(Read in English)

PANORAMA HERBERG is geleë tussen die Suikerbosrante aan die Noordekant van Krugersdorp, naby Roodepoort.

Die klimaat is aangenaam, nie verkluimkoud in die winter nie en ook nie snikheet warm in die somer nie.

Hier tref ons gelukkige inwoners aan, elkeen veilig woonagtig in 'n een- of tweeslaapkamerwoonstel met sy eie badkamer.

Daar is 'n kombuis-opwasbak en plek vir 'n yskas. 'n Mikrogolfoond en draagbare warmlugoondjie ("air fryer") word toegelaat.

Dis 'n leefstyl vir oud en jonk waar inwoners vriende maak en mekaar se belange op die hart dra.

Waarom Versorgde Verblyf?

Versorgde Verblyf is 'n unieke konsep van aftree wat oorspronklik in Amerika raakgesien is, waar dit as Assisted Living bekend staan.

Hier woon persone soos in 'n hotel.

Mense wat nie self huishou nie of voel hulle het hul deel gedoen in die lewe wat huishou betref, sal hier baie goed inpas.

Jou self-ingerigte een- of tweeslaapkamer woonstel of kamer word gereeld deur goed opgeleide personeel deeglik skoongemaak en drie smaaklike etes word daagliks voorsien.

Personeel is deurentyd vriendelik en hulpvaardig.

Teen geringe koste word hulp gebied met aantrek, bed opmaak, hare kam, naels e.a.

Persone wat voel hulle sou graag met hulle tydgenote wou kommunikeer en alleenheid wil verdryf sal hier vind waarna hulle op soek was.

Dienste

Verskillende dienste word teen 'n billike maandelikse heffing aangebied:

1. 3 Etes per dag is beskikbaar. Slegs middagetes is verpligtend.

2. Wasgoed word gedoen.
3. Skoonmaakdiens twee maal per week.
4. Haarkapster.

5. Gereelde saamweestye is in plek, bv. Rummycup, Bingo, Legkaart bou, Handwerk saam, Kuier, ens.
6. Op die terrein is gastekamers beskikbaar wat teen billike tariewe bespreek kan word.
7. 'n Weeklikse bussie vir inkopies by die nabygeleë Checkers-sentrum is beskikbaar.
8. Tydens siekte word maaltye na die woonstel gestuur.
9. Kerkdienste en Bybelstudie word aangebied.
10. 'n Restourant is op die terrein.
11. Sportfasiliteite: 'n Tennisbaan, Putt-putt, verhitte onderdak swembad, gimnasium. Onderhoud is hier van belang, daarom word hierdie fasiliteite teen 'n geringe fooi aangebied.

12. 'n Biblioteek.
13. Daar is ook 'n volledige kliniek met hospitaalsorg op die terrein.

Koop op deeltitelbasis

Inwoners en kopers sal binnekort ook die opsie hê om op deeltitel te kan koop.

Ligging

PANORAMA HERBERG is geleë in Swanevelder Straat, Rangeview, Krugersdorp 1739. Druk gerus op die onderstaande kaart om volledige rigting-aanwysings in Google Maps te kry.

Die verkeer in hierdie omgewing is heel billik.

Bekwame dokters, hospitale en oogspesialiste is binne enkele minute bereikbaar.

Pretoria en Johannesburg is nie ver nie en dis betreklik maklik om indien nodig van die mediese fasiliteite daar gebruik te maak.

Skakel Ons

Praat gerus met ons vriendelike verkoopsdame!

Ons weet u het vrae

Ons bespreek graag die volgende onderwerpe van belang:


Bekommernisse van volwasse kinders oor hul bejaarde ouers

Slaggate om in ag te neem wanneer u besluit oor 'n Versorgde Verblyf fasiliteit

Verstaan die Verskil tussen Versorgde Verblyf en Verswakte Sorg

Hoe duur is Versorgde Verblyf versus om in u eie eiendom te bly?

Wanopvattings oor Versorgde Verblyf: Kom ons kry duidelikheid

Versorgde Verblyf opsies: Hoe verstaan u Lewensreg vs. Deeltitel vs. Huur?

Vrae om Te Vra Wanneer U ‘n Aftree-Oord Besigtig

Finansiële Voorbereiding vir Versorgde Verblyf: Wat U Moet Weet

Meer aangaande die PANORAMA HERBERG Versorgde Verblyf-suites

Wat sê ons inwoners?

Van die inwoners wat reeds 'n geruime tyd in die PANORAMA HERBERG woonagtig is, lewer die volgende kommentaar:

'Ek het in Panorama Herberg kom bly vir die samesyn met my tydgenote, die veiligheid, jy hoef nie kos te kook nie, jy hoef nie skottelgoed te was nie en nie wasgoed te was nie.

Die personeel is baie hoflik en hulpvaardig, en altyd vriendelik.

Ek het my selfvertroue weer hier in Panorama Herberg gekry.'

- Bg. dame woon reeds drie jaar in Panorama Herberg.

'Hier was aan einde Maart gaste by ons, wat in Panorama Herberg Aftree-oord in 'n woonstel bly.

Hulle is so ons ouderdom, 66 jaar.

Ook dol gelukkig daar!'

- Anoniem

'I've been staying at Panorama Herberg for 21 years. This is the most wonderful place and the staff is extremely kind and helpful.'

- Betty Mansfield

'Ek bly al drie jaar hier en het nog elke dag 'n heerlike bord kos geniet. Baie dankie vir wat julle hier vir ons inwoners doen.'

- Paul van Schalkwyk

Skakel Ons Vandag

Besoek PanoramaHerberg.co.za vandag!

Please visit PanoramaHerberg.co.za today!